今朝遲左起身 似乎我愈黎愈唔夠訓 宜家遲起身o既原因唔係純粹想訓多 d 而係鬧鐘鬧醒之後不自覺咁再訓過 跟本係副偈差左 我只想身體健康 所以我唔想d病人去街去咁夜...... 身體好時唔覺係一回事 病左之後先會後悔點解健壯時唔好好打理身體 放工時撞到同村中同, 估唔到大家住得咁近都竟然可以幾年冇見... 原來佢都入左金融呢一行, 同佢讀o既學系好唔同 不過都唔係太出奇, 有 d 個市... 冇眼睇, 慘烈, 非常慘烈, 慘情…

Lunch@一樂食館 - 中環史丹利街 燒腩桂林米線 ($23) 上兩個禮拜食過叉燒米線 (冇相...) 今日食番個燒腩 話時話平時黎親呢度都係食叉燒, 今次食番次燒腩 原來都係正野!! 皮脆 (雖然俾湯浸稔左少少) 肉嫩 不過今次個湯底就好似鹹左少少 但係總括黎講以呢個價錢o係中環食午飯真係上品! 今日我爆佢地 seed 好認真(當然, 既婉轉又溫文既語氣, 雖然熟我o既人都知我o既"溫文"其實都幾"進取"...)咁同佢地講…

18/9 (Tue) Lunch@ThreeSixty - 中環置地廣場 Highlander Salmon Sandwiches ($45) 第一次黎呢度食, 亦都係第一次知有呢個地方存在, 仲要由班鬼佬帶黎見識見識, 真係大鄉里...... 呢度鬼多過人, 真係蔚為奇觀 夜晚同同事去左稻香打邊爐, d 鬼佬食得眉飛色舞, 估佢唔到... 19/9 (Wed) Lunch@馬來咖喱屋 - 中環卑利街 香煎豬肉飯餐…

今朝番六點, 晨咁早似乎真係未訓醒, 大頭蝦到唔記得拿收據, 又唔記得帶早餐, 真係淒涼 個客又死 system, 搞左一陣, 真係考起我 好彩最後大步"larm"過 晏晝頹食吉野家, 不過真係好好味 今日個市又係癲癲地... 真係人都癲!!

Hot Dog - 中環荷李活道(近些利街) Hungry Folk ($32) 諗住去 Subway, 但係同事忽發奇想去食熱狗, 咁就去左呢度 十吋長o既熱狗, 條腸好好食 但係就貴左 d 囉, 唔會有下次 之後痴左線, 意猶未盡咁去左隔離o既 Lemon Exchange 加料, 佢地要左個餐, 我就要左個香蕉牛奶 ($21) 幾好飲, 幾幼滑, 仲要係用蒙牛奶做的 但係之前佢部機攪過 d 士多啤梨, 搞到我杯野有少…